НИТХ-ын төлөөлөгчид нийслэлийн газрын зохион байгуулалт, төлөвлөлтийн уялдааг сайжруулах шаардлагатайг онцлов

10/ 8/ 2026    21 цаг 11 минут

Нийслэлийн иргэдийн Төлөөлөгчдийн Хурлын Бүсчилсэн хөгжлийн хорооны өргөтгөсөн хуралдаанаар Нийслэлийн Газар зохион байгуулалтын албаны 2026 оны үйл ажиллагаа, газрын зөрчил, маргааны шийдвэрлэлт болон 2027 оны газар зохион байгуулалтын төлөвлөгөөний төслийн талаар танилцуулга мэдээллийг сонслоо.

10 мянга гаруй гарааш, 109 км хашаа хайсыг буулгажээ

Нийслэлийн Газар зохион байгуулалтын албанаас нийтийн эзэмшлийн талбайг чөлөөлөх, газрын зөрчил, маргааныг шийдвэрлэх, иргэдийн эрүүл, аюулгүй орчинд амьдрах нөхцөлийг бүрдүүлэх чиглэлээр хэрэгжүүлсэн ажлын талаар мэдээлэв. Тухайлбал, 2020–2026 онд нийслэлийн хэмжээнд 10 мянга гаруй гараашийг буулгаж, 19.7 га талбайг чөлөөлсөн бол 2021–2026 онд 109.5 км хашаа, хайсыг буулгасан байна. Мөн газар зохион байгуулалтын үйл ажиллагааг цахимжуулах, газрын зөрчил, маргааныг шийдвэрлэх, газар чөлөөлөлт хийх, нийтийн эзэмшлийн талбайн ашиглалтыг сайжруулах, цаашид хэрэгжүүлэх арга хэмжээний талаар танилцууллаа. Үүний зэрэгцээ 2027 оны газар зохион байгуулалтын төлөвлөгөөний төсөлд нийслэл, дүүргийн хэмжээнд хэрэгжүүлэхээр төлөвлөсөн ажлуудыг  хэрхэн тусгасан талаар мэдээлэв. Танилцуулгатай холбогдуулан НИТХ-ын төлөөлөгчид газар олголт, хэсэгчилсэн ерөнхий төлөвлөгөөний хэрэгжилт, хашаа, хайс, хайрга, дайрганы олборлолт, нийтийн эзэмшлийн талбайн ашиглалт болон газар чөлөөлөлтийн дараах төлөвлөлтийн талаар асуулт, санал хэллээ.

Тусгай зориулалтын автомашин чөлөөтэй нэвтрэх нөхцөлийг бүрдүүлэх нэгдсэн стандарт зохицуулалт шаардлагатай байна

НИТХ-ын төлөөлөгч Д.Ундармаа хайрга, дайрга олборлолттой холбоотой асуудалд анхаарч, олборлосон талбайг нөхөн сэргээх ажлыг хариуцлагатай хэрэгжүүлэх шаардлагатай байна гэв. Түүнчлэн хашаа, хайс нь хог тээврийн болон түргэн тусламжийн автомашин нэвтрэхэд хүндрэл учруулж, ялангуяа өвлийн улиралд бэрхшээл үүсгэж байгаад анхаарахыг хүслээ. 

Төлөөлөгч Э.Одонтуяа нийтийн зорчих хөдөлгөөнд хаалт хийж, төлбөр авч байгаа асуудал хуульд нийцэж байгаа эсэх, ийм зохицуулалтыг нийслэл эсвэл газар зохион байгуулалтын асуудал хариуцсан байгууллагаас шийдвэрлэдэг эсэхийг тодруулав. Мөн хаалт хийж, иргэдээс төлбөр авч байгаа байгууллагын тоо, хайрга, дайрга олборлосон газрын нөхөн сэргээлтийн талаар тодорхой мэдээллийг олон нийтэд нээлттэй мэдээллэх шаардлагатайг онцлов. Энэ талаар холбогдох байгууллагаас хашаа, хаалтыг буулгах нь нийтийн аюулгүй байдал, зорчих хөдөлгөөний хүртээмжийг хангах ач холбогдолтой ч орон сууцны орчны газар, нийтийн эзэмшлийн талбай, авто замын зурвас зэрэг тухайн газрын эрх зүйн байдлыг тодорхойлох тухайд тайлбарлав. Мөн хаалттай холбоотой асуудал нь нэг талаас оршин суугчдын эрүүл, аюулгүй орчныг хангах, нөгөө талаас иргэдийн зорчих хөдөлгөөн, түргэн тусламж, гал унтраах зэрэг тусгай зориулалтын автомашин чөлөөтэй нэвтрэх нөхцөлийг бүрдүүлэхтэй холбоотой тул хотын хэмжээнд нэгдсэн стандарт, зохицуулалт шаардлагатайг мэдээллээ.

Хуралдааны үеэр иргэдээс ирүүлж буй гомдол, саналын 30 гаруй хувь нь орон сууцны хотхон дахь хашаа, хаалттай холбоотой талаар дурдав. Иймд хаалт бүрийг тусад нь шийдвэрлэхээс гадна хотын хэмжээнд мөрдөх стандарт, шалгуур, холбогдох байгууллагуудын чиг үүрэг, уялдааг тодорхой болгох шаардлагатайг төлөөлөгчид хэллээ. Нийслэлийн зүгээс үндэслэлгүй, хууль бус хаалтыг байхгүй болгох чиглэл баримталж байгаа ч оршин суугчдын аюулгүй байдал болон иргэдийн зорчих хөдөлгөөнийг хамтад нь харгалзан зохицуулах шаардлагатайг холбогдох албаныхан онцоллоо. 

 Газрын албадын ажлын уялдааг сайжруулахыг хүсэв

НИТХ-ын төлөөлөгч Л.Хосбаяр нийтийн эзэмшлийн талбайг чөлөөлсний дараа тухайн газрыг цаашид хэрхэн ашиглахыг төлөвлөгөөнд тусгах шаардлагатайг хэлэв. Тухайлбал, чөлөөлсөн газрыг ногоон байгууламж, нийтийн талбайд ашиглахын зэрэгцээ сургууль, цэцэрлэг болон бусад нийтийн хэрэгцээний газрын нөөцийг хадгалах шаардлагатайг онцоллоо. Харин төлөөлөгч З.Төмөртөмөө газар олголтын талаарх мэдээллийг НИТХ-ын төлөөлөгчдөд тухай бүрт хүргэх, нийслэл болон дүүргийн газрын албадын уялдааг сайжруулах шаардлагатайг хэлэв. Мөн Хан-Уул дүүргийн Яармаг орчимд иргэдэд олгогдсон 0.07 га газартай холбоотой өнөөгийн нөхцөл байдлыг тодруулах, иргэдтэй харилцах анхан шатны үйл ажиллагааг сайжруулах, уулын бүс рүү зорчих зам дахь хашаа, хаалт зэрэг бодит асуудлыг шийдвэрлэх талаар хөндлөө.

НИТХ-ын төлөөлөгч Д.Бадарсан иргэдийн гомдлын дийлэнх нь орон сууцны хотхон дахь хаалттай холбоотойг хэлж, асуудлыг зөвхөн албан бичиг хүргүүлэх байдлаар бус хотын стандарт, журмаар зохицуулах боломжийг судлахыг хүсэв. Мөн газар зохион байгуулалт, төлөвлөлтийн өөрчлөлтийг жил бүр давтан оруулах бус зам, дулаан, цахилгаан, инженерийн шугам сүлжээ, сургууль, цэцэрлэгийн газрын нөөцтэй уялдуулан төлөвлөх шаардлагатайг хэлэв.

Түүнчлэн төлөөлөгчид өмнө нь батлагдсан газрын хэсэгчилсэн ерөнхий төлөвлөгөөний хэрэгжилтийг хангах, газар олголтыг нийслэлийн бүтээн байгуулалтын төлөвлөгөөтэй уялдуулах, газар чөлөөлөлтийн дараах ашиглалтыг урьдчилан төлөвлөж байхыг анхааруулав. Ингэхдээ зам, инженерийн шугам сүлжээ, сургууль, цэцэрлэг, ногоон байгууламжийн газрын нөөцийг төлөвлөгөөнд тусгаж, нэг шийдвэрээс шалтгаалан дараа нь дахин төлөвлөлт, хөрөнгө оруулалтын зардал гаргах нөхцөл үүсгэхгүй байх нь чухал гэдгийг онцолсон юм.

Хуралдааны төгсгөлд Бүсчилсэн хөгжлийн хорооны дарга Б.Ану-Үжин “Газар зохион байгуулалт бол төлөөлөгчдөд иргэдээс хамгийн их санал, гомдол дагуулдаг асуудлын нэг. Хашаа, гарааш чөлөөлөлтийн дараах газрын төлөвлөлтийг тодорхой болгох, газрын дамын наймаатай холбоотой асуудалд анхаарах шаардлагатай”г хэлэв. Мөн дүүргүүд ирэх оны газар зохион байгуулалтын төлөвлөгөөндөө төлөөлөгчдийн саналыг тусгаж, нийтийн эзэмшлийн талбай, ногоон байгууламж, цэцэрлэгт хүрээлэн байгуулах боломжтой байршлуудыг тодорхойлох чиглэл өглөө.

Цаашид төлөөлөгчидтэй хамтран ажиллаж, иргэдийн амьдрах орчинд бодит өөрчлөлт бий болгохуйц ногоон байгууламжийн хүртээмжийг нэмэгдүүлэхэд анхаарахыг уриаллаа.



Сэтгэгдэл ()

⚠ Анхаар!
Та сэтгэгдэл бичихдээ хууль зүйн болон ёс суртахууныг баримтална уу. Ёс бус сэтгэгдлийг админ устгах эрхтэй. Мэдээний сэтгэгдэлд public.mn хариуцлага хүлээхгүй.





ШИНЭ МЭДЭЭ

“Шийдвэр гаргах үйл явцад төлөөллөөс нөлөөлөлд” сэдэвт Дэлхийн эмэгтэй парламентчдын чуулга уулзалтын бүгд хуралдаан боллоо10 сар 13. 9:05Нийгмийн хамгааллын тусгай төвүүдийн тулгамдсан асуудлыг шийдвэрлэхэд анхаарна10 сар 9. 16:12Н.Номтойбаяр: Суурьшлын бүсэд 557 баавгай орж ирсэн дуудлага ирсэн10 сар 9. 14:35Т.Одгал: Өмгөөлөгч гэдэг тэтгэвэрт гардаггүй, хязгааргүй сэтгэдэг гоё мэргэжил10 сар 9. 9:48Монголбанк: Инфляц зорилтот түвшинд буцаж орох хүртэл мөнгөний хатуу бодлого баримтлана10 сар 8. 21:19НИТХ-ын төлөөлөгчид нийслэлийн газрын зохион байгуулалт, төлөвлөлтийн уялдааг сайжруулах шаардлагатайг онцлов10 сар 8. 21:11МОНГОЛ УЛСЫН ЗЭЭЛЖИХ ЗЭРЭГЛЭЛ 2026 ОНД “ВB-, ТОГТВОРТОЙ” ХЭВЭЭР ХАДГАЛСНЫГ ЗАРЛАЛАА10 сар 8. 17:07Нийслэлийн 13 байршилд өндрийн камер ажиллаж байна10 сар 2. 14:14“Тэрбум мод” үндэсний хөдөлгөөний хүрээнд намрын мод тарих ажил эхэллээ9 сар 28. 10:31Хотын албан татварыг нэг хувь болгон бууруулах тогтоолын төсөл өргөн барина9 сар 23. 17:20“Эмээлт эко аж үйлдвэрийн парк”-ийн үндсэн дэд бүтцийн бүтээн байгуулалтыг эхлүүллээ9 сар 21. 17:05НИТХ-ын ээлжит бус XIV хуралдаанаар Нийслэлийн хөгжлийн 2027 оны төлөвлөгөөг баталлаа9 сар 18. 15:18Б.Пүрэвдагва: Нийслэл 57.3 км инженерийн гадна шугам сүлжээг шинэчилж байна9 сар 16. 17:02Нийслэлийн өмчит байгууллагуудын удирдлагууд дунджаар 4 сая орчим төгрөгийн цалинг авдаг9 сар 16. 16:56Хууль зүй, дотоод хэргийн сайд С.Амарсайханыг үүрэг ажлаас нь чөлөөллөө9 сар 16. 11:38НИТХ-ын ээлжит бус XIV хуралдаан есдүгээр сарын 18-нд үргэлжилнэ9 сар 14. 20:212027 оны хөгжлийн төлөвлөгөөг хэрэгцээ, үр өгөөжид тулгуурлан эрэмбэлэх шаардлагатайг онцоллоо9 сар 14. 15:25Хотын дарга "Шинэ үеийн Улаанбаатар" хөгжлийн бодлогоо танилцуулав9 сар 14. 15:10Ерөнхийлөгч У.Хүрэлсүх:Төрийн түшээд нь үг, үйлдлээрээ ард иргэдээ талцуулах бус нэгтгэх ёстой9 сар 14. 15:03Харьд хэлмэгдсэн Монголын 249 иргэний дурсгалын гэрэлт хөшөөнд хүндэтгэл үзүүллээ9 сар 9. 16:3457 дугаар сургууль анхны "ногоон, ухаалаг" сургууль болов9 сар 1. 16:03БНХАУ-ын дарга Ши Жиньпин Монгол Улсад нефтийн бүтээгдэхүүний нийлүүлэлтэд дэмжлэг үзүүлэхээ илэрхийлжээ9 сар 1. 15:59Ерөнхий сайдын танилцуулсан 9 шийдвэр8 сар 31. 12:15Непал: Амь үрэгдсэн хүний тоо 472-т хүрч, 1000 гаруй хүн сураггүй байна8 сар 28. 13:59У.Хүрэлсүх: Бид эх дэлхийгээ хамгаалах эрс шийдэмгий арга замыг яг одоо л сонгохгүй бол эх дэлхий цаашид та бидэнгүйгээр оршин амьдрах өөрийн замаа сонгох болно8 сар 24. 10:13"COP17"-ын хүрээнд Хотын дарга нарын чуулга уулзалт болж байна8 сар 21. 15:13Төр 1.4 их наядын зардлыг хэмнэх 2026 оны төсвийн тодотголыг Улсын Их Хуралд өргөн мэдүүллээ8 сар 20. 14:01“Даян дэлхийн малчдын чуулган” Улаанбаатар хотод боллоо8 сар 14. 15:35“Хотын дарга сонсож байна” 150-150 тусгай дугаар ажиллаж эхэллээ8 сар 14. 11:06Ногоон дугаартай тээврийн хэрэгсэл дугаарын хязгаарлалтад хамаарахгүй8 сар 14. 11:00Тэгш, сондгой дугаараар болон 50 мянган төгрөгийн хязгаартай шатахуун олгох зохицуулалтыг бямба гарагаас цуцална8 сар 12. 16:46Монгол Улсын нийт газар нутгийн 81 хувь нь цөлжилтөд өртсөн8 сар 12. 15:15Газрын тосны үйлдвэрийн бүтээн байгуулалтыг дотоодын цэргүүд хамгаална8 сар 12. 15:13Нийслэлээс худалдаа үйлчилгээ эрхлэхэд шаарддаг давхардсан 103 бүртгэлийг цуцлав8 сар 12. 10:29Цэцэрлэгийн бүртгэл 23-ныг хүртэл үргэлжилнэ8 сар 12. 10:25Гаалийн улсын байцаагч нарын холбогдсон 11 эрүүгийн хэргийг шүүхээр шийдвэрлэжээ8 сар 12. 10:20“Нүүрс пиролизийн үйлдвэр”-ийг төр, хувийн хэвшлийн түншлэлээр хэрэгжүүлэх тогтоолын төслийг дэмжив8 сар 12. 9:22НИТХ-ын дарга Д.Ихбаяр: Нийслэлийн өмнө тулгамдсан асуудлуудад шуурхай, хариуцлагатай ажиллахыг үүрэг болгож байна8 сар 10. 20:52У.Хүрэлсүх: Монгол судлаачдын залгамж холбоог бэхжүүлэхэд онцгой анхаарах шаардлагатай8 сар 10. 16:16НИТХ-ын ээлжит VIII хуралдаанаар “Сэлбэ ухаалаг хот” эдийн засгийн тусгай бүс байгуулахыг дэмжлээ8 сар 10. 13:39
 Facebook Twitter Youtube