Н.Учрал: Х.Баттулга та "Нотолж чадвал 100 хувь аваарай" гэж хэлсэн үгэндээ эзэн байгаарай

ЗГХЭГ-ын дарга Н.Учрал Стратегийн 39 ордын нэг болсон Төгрөг нуурын ордыг үндэстэн дамнасан компанид зарсан гэх баримтууд нь  УИХ-ын гишүүн Х.Баттулгад холбоотой эсэх  талаар мэдээлэл хийв.

Ерөнхий сайд Л.Оюун-Эрдэнэ ЗГХЭГ-ын дарга байхдаа Эрдэнэтийн 49 хувьтай холбоотойгоор схем тайлбарлаж мэдээлэл хийж байсан нь саяхан. Тэгвэл ЗГХЭГ-ын дарга Н.Учрал ч мөн баримт дэлгэж схемийг тусгайлан хурал зарлаж тайлбарлана гэв.

ЗГХЭГ-ын дарга Н.Учрал:

Үндэсний Баялгийн сангийн хуулийн хэрэгжилт болон Стратегийн 39 ордын талаарх танилцуулгыг Засгийн газрын хуралдаанд АҮЭБ-ийн сайд Ц.Туваан хийсэн. Миний хувьд хуулийг хэрэгжүүлэх ажлын хэсгийн ахлагчийн хувиар стратегийн ордууд дээр ээлж дараалан санхүүгийн болон хуулийн шинжилгээ хийж байна. Энэ хүрээнд Төгрөг нуурын орд газар дээр шинжилгээнүүд хийлээ.

Өнгөрсөн долоо хоногт Төгрөг нуурын орд нь Ерөнхийлөгч асан, УИХ-ын гишүүн Х.Баттулгатай хамааралтай талаар мэдээлэл хийж, энэ асуудлаа шийдвэрлэх 7 хоногийн хугацааг олгож байсан. Энэ хугацаанд УИХ-ын гишүүн Х.Баттулгаас ямар ч албан бичиг болон хариу үйлдэл хийгээгүй. Хэвлэлд өгсөн ярилцлагадаа Төгрөг нуурын ордын талаар тодорхой хариу хэлээгүй гэж харсан.

Хэвлэл мэдээллээс авсан мэдээллээр “Намайг Төгрөг нуурын ордыг миний гэж нотолж чадвал 100 хувь аваарай гэж УИХ-ын гишүүн Х.Баттулга хэлсэн байсан. Би хариуцлагатайгаар хэлье.Та хэлсэн үгэндээ эзэн байгаарай. Та нотол гэсэн. Би нотолж байна.

2006 онд УИХ-ын гишүүн Х.Баттулга 90 хувь, Я.Батсүх гэж хүн 10 хувь эзэмшиж байсан CAMEX гэдэг компани “Төгрөг нуур Энержи” компанийг 100 хувь эзэмшдэг болохыг нотолсон баримт байна. Үүний дараа Х.Баттулга өөрийн охин Б.Номун, эгч Х.Цэндбаяр нарт хувьцаагаа шилжүүлэн компаниас компани дамнасан үндэстэн дамнасан компаниар 250 сая ам.доллараар зарсныг Хонконгийн хөрөнгийн биржид бүртгэлтэй 00402 хувьцааны код бүхий Мин Хон... компанийн Хонгконгийн бирж дээр байгаа 507 нүүр баримттай хайрцаг байна.

507 нүүр баримт дотор энэ хэлцлийн нөхцөл, үнэлгээ төлбөрийн бүтэж, хувьцаа өрийн бичиг, хөрвөх цаас, Төгрөг нуурын ордын нөөцийн тооцоо, ТЭЗҮ зэрэг мэдээллийг нарийвчлан агуулсан байна.

...Энэ бүх баримт нотолгоонд үндэслээд ЗГ-ын өнөөдрийн хуралдаанаар Төгрөг нуурын ордод 4 тусгай зөвшөөрөл эзэмшигч "Төгрөг нуур Энержи" компанийн хувьцаа эзэмшигч Camex ХХК нь:

1. Татвар төлөхөөс зайлсхийсэн
2. Мөнгө угаасан
3. Залилсан
4. Авлига албан тушаалын зөрчил үүсгэх болон бусад гэмт хэрэг зөрчил үйлдсэн байж болзошгүй асуудлыг шалгуулахаар Ерөнхий прокурор, АТГ-т эдгээр материалыг хүргүүлж байна.

Мэдээлэл солилцох, харилцан туслалцаа үзүүлэх зорилгоор Виржинийн арал, Сингапур, Хонгконг зэрэг улсын хууль, хяналтын байгууллагатай хамтран ажил

лахыг ХЗДХ-ийн сайд О.Алтангэрэлд даалгаж байна.

Мөн Төгрөг нуурын ордыг стратегийн ордод авах ажлыг энэхүү дүгнэлтэд үндэслээд Баялгийн санд авахыг АҮЭБ-ын сайд Ц.Туваанд даалгав гэсэн мэдээлэл хийлээ дээ.