Монголын улс төр халуун, МАН доторх “гал тогоо” бужигнаж байна

 

Монголын улс төр халуун, МАН доторх “гал тогоо” бужигнаж байна

Монголын улс төр өнөөдөр халуун байна. МАН-ын дотор талцал, хуваагдал улам тодорч, улстөрчид байр сууриа олохгүй баахан дөвчигнөж байна. Засгийн газраас “урвагсад”-ыг хөөх, Үндсэн хуулийн Цэц эсэргүүцэгчдийг байранд нь тавих ажил идэвхтэй өрнөж байгаа ч бодит үр дүн харагдахгүй байгаа нь ард иргэдийн анхаарлыг татаж байна.

---

Шадар сайдын суудлын өөрчлөлт

Шадар сайд С.Амарсайхан өчигдөр өглөө ажлаа хүлээлгэн өгч, Засгийн газартай хамтарч ажиллах боломжгүй болсон тул суудлаасаа буусан талаар цахим хуудсаар мэдэгдэв. Үүний дараа Засгийн газрын хэвлэл мэдээллийн алба Шадар сайдыг “зарчмын эсрэг ажилласан тул огцруулж байна” гэсэн утгатай мэдээлэл тараалаа.

Өчигдрийн байдлаар Шадар сайдын суудалд УИХ-ын гишүүн Х.Ганхуяг яригдаж байна. Х.Ганхуяг сэтгүүлчдэд:

“Одоогоор санал ирээгүй, ирвэл ярилцаж үзэх байх”
гэсэн хариулт өгчээ.

Өөр нэр одоогоор яригдаагүй бөгөөд Засгийн газрын зарим бүлэглэл хэнийг зангарагтай сонгохыг мэдэж байгаа аж.

 

УИХ-ын даргын суудал

УИХ-ын даргад Л.Энх-Амгаланг дэвшүүлсэн ч С.Бямбацогт илүү нөлөөтэй байгаа гэх мэдээлэл байна. Л.Энх-Амгалан:

“УИХ-ын дарга болох эсэх 600 дахь асуудал. Үүнийг бүлэг шийднэ”
гэсэн бөгөөд туршлага, нам доторх нөлөөллийн хувьд С.Бямбацогт илүү хүчтэй гэдгийг ажиглагчид онцолж байна.

---

АН-ын дотоод хуваагдал

УИХ-ын даргын суудалтай холбоотойгоор АН хоёр хуваагджээ. Д.Амарбаясгалан ажлаа өгсөн бөгөөд УИХ-ын дэд дарга Х.Булгантуяагийн суудал эргэлзээтэй байна. Одоогоор УИХ-ын чуулганы хурлыг Б.Пүрэвдорж удирдаж байгаа бөгөөд АН-ынхны дотоод тохиролцоо, зөрчил одоо ч үргэлжилж байна.

---

МАН-ын “хос даргын” санаачилга

Ерөнхий сайд Г.Занданшатарын санаачилгаар МАН хос даргатай байх хувилбарыг авч үзэж байгаа бөгөөд Н.Учрал тэргүүтэй МАН-ын гишүүд энэ асуудлыг Их хурлаар эцэслэх төлөвтэй байна. МАН-ын бүлэг хоёр даргатай болж, тамга, ширээ, сандлыг булаацалдахгүйгээр эвтэйгээр ажиллаж байгаа аж.