МАН-ын бүлгийн ээлжит бус хуралдаанаар дэд дарга, бүлгийн даргын асуудлыг шийдвэрлэлээ

УИХ дахь МАН-ын бүлгийн ээлжит бус хуралдаанаар өнөөдөр хоёр гол асуудлыг хэлэлцэв. Нэг нь УИХ-ын дэд даргын албан тушаалын өөрчлөлт, нөгөө нь бүлгийн даргын асуудал байлаа.

УИХ-ын дэд даргын өөрчлөлт

УИХ-ын гишүүн Х.Булгантуяаг дэд даргын албанаас чөлөөлж, УИХ-ын дэд даргад УИХ-ын гишүүн Ж.Бат-Эрдэнийг нэр дэвшүүлэх шийдвэрийг МАН-ын бүлэг олонхийн саналаар баталсан байна. УИХ-д удаа дараа сонгогдон ажилласан туршлагыг нь харгалзан дээрх санал гаргасан бөгөөд хуулийн дагуу дэд даргын томилгоог УИХ-ын чуулганы нэгдсэн хуралдаанд оруулж, эцэслэн батлуулах юм.

Бүлгийн даргын асуудал

Мөн ээлжит бус хуралдаанаар бүлгийн даргаар Ж.Батжаргалыг томилж, тамгыг өмнөх дарга УИХ-ын гишүүн Ж.Бат-Эрдэнэ хүлээлгэн өгсөн байна. Ингэснээр бүлгийн дэд дарга, бүлгийн даргын асуудлыг нэг мөр шийдвэрлэж, эв нэгдлийг хангах алхам хийжээ.

Нам доторх талцлыг эвлэрүүлэх үйл явц

УИХ дахь МАН-ын бүлэг өмнө нь хоёр талд хуралдсан байсан: нэг нь УИХ-ын гишүүн, дарга асан Д.Амарбаясгаланг дэмжигч, нөгөө нь Ерөнхий сайд асан Г.Занданшатарыг дэмжигч бүлэг. Өнөөдрийн ээлжит бус хуралд нэгдсэн байдлаар хуралдаж, нам доторх эв нэгдлийг хангах чиглэлээр ажиллаж байна.

Хоёр хоногийн өмнө МАН-ын Удирдах зөвлөл өргөтгөсөн хуралдаан хийж, талцлыг нэг талд гаргах ажлын хэсгийг байгуулсан бөгөөд ажлын хэсгийг Ч.Хүрэлбаатар ахалж байна. Тэрбээр ажлын хүрээ, хууль, дүрмийн дагуу ажиллаж, төрийн ажлыг талцалд үлдээхгүй байхыг анхааруулжээ.

МАН-ын байр суурь

МАН-ын Ерөнхий нарийн бичгийн дарга Я.Содбаатар сэтгүүлчийн асуултад:

“УИХ-ын даргад хэнийг томилох вэ гэдэг асуудал одоохондоо эцэслэгдээгүй. Шат дараатай шийдвэрлэнэ”
гэсэн хариулт өгсөн байна.

Иймээс УИХ-ын дэд даргын асуудлыг чуулганы маргаашийн нэгдсэн хуралдаанд хэлэлцэн батлах боломжтой юм. МАН-ын бүлэг мөн Монгол Улсын 2026 оны төсөв болон эв нэгдлийг хангах бусад асуудлыг хэлэлцэж байна.