ЧАРЛИ КИРКИЙН АЛУУРЧИН СЭТГЭЦИЙН ӨВЧТЭЙ НЭГЭН БАЙСАН ЭСЭХИЙГ ШАЛГАЖ БАЙНА

Энэ сарын 11 нд Америкын нэгдсэн улсын улстөрч консерватив хөдөлгөөний манлайлагч Чарли Кирк Юта мужийн их сургуулийнхантай уулзахдаа буудуулж амь насаа олны өмнө алдсан. Кирк нь дөнгөж гуч гарсан насандаа дэлхийн хэдэн зуун сая залуусыг өөрийн илтгэл болон залуусын дунд өрнүүлдэг мэтгэлцээнүүдээр танигдсан нэгэн байсан. Америкын нэгдсэн улсын ерөнхийлөгч Доналд Трамп түүнийг залуусын зүрх сэтгэлийг хамгийн сайн ойлгодог хүн байсан гэж дурссан. Олон нийтийн өмнө болсон аллагыг холбооны хууль хяналтын байгууллагыхан маш хурдан илрүүлж сэжигтнийг баривчилсан гэдэг мэдээлэл гарсан. Киркийн амь насанд халдсан сэжигтэн нь Юта мужийн уугуул эцэг эхийн хамт амьдардаг 22 настай Тайлер Робинсон гэгч болохыг холбооны мөрдөх товчоо мэдээлсэн.

Тайлер Робинсон Юта мужийн Сент-Жорж хотод өссөн, улс төрд ирээдүйтэй нэгэн гэж ойр тойрныхондоо үнэлэгдсэн нэгэн гэх юм билээ. Ахлах сургуульд сайн сурч, GPA нь 4.0, стандарт шалгалтад өндөр оноо авсан бөгөөд Ютагийн Их Сургуульд дөрвөн жилийн тэтгэлэг хүртсэн юм. Гэвч тэр сургуульд зөвхөн нэг семестр суралцсаны дараа завсарлага авч, эргэж ирээгүй. Дараа нь Dixie Technical College-д элсэж, одоогоор цахилгаанчны гурван жилийн хөтөлбөрт суралцаж, 2022 онд дадлагажигч цахилгаанчны лиценз авчээ. Сүүлийн жилүүдэд Робинсон улс төрийн талаар илүү сонирхох болсон байна.

            Түүнийг сэжигтнээр татах сэжмийг холбооны мөрдөх товчооныхонд аав нь өгсөн байна. Сэжигтний зургийг олон нийтийн мэдээллийн хэрэгслээр цацахад аав нь өөрийн хүү энэ хэрэгт холбоотой байж болзошгүй гэж үзээд холбооны мөрдөх товчоонд мэдээлэл өгсөн байна. 33 цаг үргэлжилсэн мөрдөн байцаалтын дараа ч тэрээр аллагын зорилго болоод яагаад Чарли Киркийн амь насанд хүрэх болсон талаараа ямар нэгэн тайлбарыг өгөөгүй байна. Киркийг алсан сумны хонгион дээр фашист минь барь даа гэж илтэд тохуурхсан Киркийг фашист гэсэн мэт утга агуулга мэт үг сийлэгдсэн нь одоог хүртэл ойлгомжгүй тайлбарлах боломжгүй нөхцөл байдлыг үүсгээд байгаа юм. Тэгэхээр улстөрийн захиалгатай аллага байсан уу эсвэл хэт барууны нацист үзлийг эсэргүүцэгч нэгний урдаас төлөвлөсөн аллага байсан уу гэдгийг тогтоохоор холбооны мөрдөх товчооны зүгээс ажиллаж байна.