УМАРД СОЛОНГОС "ДАВХАР ЗЭВСЭГЛЭЛ"-ИЙН БОДЛОГО ЗАРЛАЛАА

Умард солонгосын удирдагч Ким Жон Ун удахгүй болох намын 9-р их хурлаараа "ДАВХАР ЗЭВСЭГЛЭЛ"-ийн бодлогоо ил болгон танилцуулах нь ээ.

Тухайлбал цөмийн хүч болон уламжлалт зэвсгийг зэрэгцүүлэн хөгжүүлэх шинэ бодлого гэж давхар зэвсэглэлийн бодлогоо тодорхойлжээ.

Ким Жон Уны хувьд дараах гурван чиглэлээр давхар зэвсэглэлийн бодлогоо хөгжүүлнэ.
Нэгдүгээрт:  Хуягт техник цахим зэвсэглэлийг хөгжүүлнэ.
Хоёрдугаарт:  Умардын армиа орчин үеийн болгох шинэ танк, хуягт машин, хамгаалах системүүдээ шинэчлэнэ.
Гуравдугаарт: Мэргэн буудагчдын тусгай ангиудын сургуулилтыг эрчимжүүлнэ.
Оросын холбооны улс болон Украйны хооронд болж байгаа дайнд цэргүүдээ илгээсний дараа Ким уламжлалт зэвсгийн шинэчлэл, сургалт байлдааны чадавхыг бэхжүүлэх тал дээр илүүтэй анхаарах болжээ.

Одоогийн байдлаар Умард Солонгос нь Оросын холбооны улсад 15,000 орчим цэрэг илгээж дайнд оролцуулсан гэх тоо бий.
Харин бүс нутгийн хувьд Кимийн энэ шийдвэр нь тогтворгүй ойлгомжгүй нөхцөл байдлыг бий болгоно гэж олон улсын шинжээчид дүгнэж байна
Умард Солонгосын хувьд 2006 оноос эхлэн хэд хэдэн удаа цөмийн туршилт хийсэн. 2017 онд хамгийн сүүлд цөмийн том хэмжээний туршилт хийсэн.
Америкын нэгдсэн улс, Өмнөд Солонгос Япон зэрэг орнуудын тагнуулын байгууллагуудын мэдээллээр бол Умард Солонгос бодит цөмийн цэнэгтэй, ашиглаж болох пуужинтай гэж албан ёсоор үздэг.

Пуужингийн хувьд богино, дунд, алсын тусгалын баллистик пуужин хөгжүүлсэн.
Хамгийн их анхаарал татдаг нь тив дамнасан баллистик пуужин. Сонирхуулахад 2023 аас 2024 онд хийсэн Умардын туршилтууд нь хатуу түлштэй пуужин туршсан байх гэдэг мэдээлэл бий.