БОАЖ-ын сайд Н.Уртнасан БНХАУ-д суугаа Элчин сайд Т.Бадралтай цахим уулзалт хийлээ

Өнөөдөр БОАЖ-ын сайд Н.Уртнасан Монгол Улсаас БНХАУ-д суугаа Элчин сайд Т.Бадралтай цахим уулзалт хийлээ. Уулзалтаар Монгол, Хятад хоёр улсын байгаль орчин, аялал жуулчлалын хамтын ажиллагааны хүрээнд хэрэгжүүлж байгаа бодлого, чиглэлийн талаар мэдээлэл солилцов.

Уулзалтын эхэнд БОАЖ-ын сайд Н.Уртнасан өнгөрсөн жилүүдэд БНХАУ-тай хэрэгжүүлж ирсэн хамтын ажиллагааны төсөл, хөтөлбөрүүдийг үргэлжлүүлэхийн зэрэгцээ хил орчмын аялал жуулчлалыг хөгжүүлэх мөн байгаль хамгаалах чиглэлээр олон үр дүнтэй ажил хэрэгжүүлэнэ гэдгийг онцоллоо.

Монгол Улсаас БНХАУ-д суугаа Элчин сайд Т.Бадрал Монгол улсад аялах Хятадын урсгалыг нэмэгдүүлэх, хил орчмын аялал жуулчлалыг хөгжүүлэх боломж бүрэн нээлттэй байгаа. Үүнд чиглэсэн бодлого, чиглэлийг хэрэгжүүлэн ажиллахад бүх талаар дэмжин ажиллана гэдгээ илэрхийллээ.

Уулзалтын төгсгөлд Байгаль орчин, аялал жуулчлалын салбарыг хөгжүүлэхэд хоёр тал нягт хамтын ажиллагаатай байж, хурдан шуурхай мэдээлэл солилцох, эргэх холбоотой ажиллахад санал нэгдэв.