Хятадын жүжигчин Жеки Чан шинэ коронавирусний эсрэг вакцин гаргаж чадсан хүнд 1 сая юань буюу 197 мянган ам.долларын шан олгохоо амлажээ.
“Шинээр дэгдсэн вирустэй тэмцэхэд шинжлэх ухаан, техник технологи чухал үүрэг гүйцэтгэх бөгөөд тус вирусний эсрэг эмийг гаргаж чадна гэдэгт олон хүн итгэж байгаа” хэмээн тэрбээр “Weibo” нийгмийн сүлжээгээр дамжуулан мэдэгдсэн байна.
Жүжигчин Жеки Чан гол дүрийг нь бүтээдэг “Авангард” кино дэлгэцнээ гарах байсан хэдий ч шинэ төрлийн коронавирус дэгдсэнтэй холбоотойгоор сүүлийн үед цуцлагдаад байгаа аж.